करणचि कमाल

-

करणची कमाल*
*जि प शाळेच्या विद्यार्थ्यांची आंतरराष्ट्रीय झेप* 

 जि प शाळा गोवने येथे  सहावीच्या वर्गात शिक्षण घेणाऱ्या   करण जगन खानलोडा या विद्यार्थ्याने चिल्ड्रन्स रेकॉर्ड बुक मधे *लोंगेस्ट टाइम स्टॅंडिंग ऑन टोज्*  या विक्रमाची नोंद केली आहे .ही संस्था जगभरातील लहान मुलांच्या विक्रमांची नोंद करत असते. आजपर्यंत युरोप अमेरिका सारख्या खंडातील अनेक कर्तृत्ववान मुलांनी या संस्थेत विक्रम नोंदवलेले आहेत .या यादीत माझा विद्यार्थी करनही जाऊन बसला आहे .
       आंतरराष्ट्रीय योग दिनाच्या निमित्ताने मी मुलांचा पायाच्या बोटांवर उभे राहण्याचा सराव घेत असताना त्यांच्या असे लक्षात आले की करण हा पंधरा मिनिटांपेक्षा ही जास्त वेळ बोटांवर ती उभा राहात आहे. इतर विद्यार्थ्यांपेक्षा तो खूप जास्त वेळ हे योगासन करत होता .करणचा हा वेगळेपणा ओळखून मी त्याला अधिक सराव करण्याचा सल्ला दिला व त्यास योग्य मार्गदर्शन केलेे .तू जर प्रामाणिकपणे सराव केला तर नक्कीच विक्रम नोंदवशिल असा आत्मविश्वास त्याच्यामध्ये निर्माण केला .त्यानुसार करन ने सलग दोन तीन महिने घरी सराव केला. त्यानंतर त्याच्या पायाच्या बोटांवर उभे राहण्याच्या कृतीचा व्हिडिओ बनवताना करण तब्बल तेहेतीस मिनटे एकवीस सेकंद पायाच्या बोटांवर उभा राहिला .त्यांच्या या कृतीचा व्हिडिओ चिल्ड्रन्स रेकॉर्ड बुक या ठिकाणी रेकॉर्ड नोंदवण्यासाठी पाठवण्यात आला. रेकॉर्ड प्रोसेसिंग टीमकडून पडताळणी पूर्ण झाल्यानंतर मला  मेल प्राप्त झाला की  करणच्या जास्ती जास्त वेळ पायाच्या बोटांवर उभे राहण्याच्या विक्रमाची चिल्ड्रन्स रेकॉर्ड बुकमध्ये नोंद करण्यात आली. त्याचे रेकॉर्ड सर्टिफिकेट  मिळण्यासाठी रोटरी क्लबच्या रुक्साना यांनी करणला हजार रुपयांची मदत केली.करनच्या या यशाबद्दल गोवणे शाळेच्या  सर्व शिक्षकांकडून त्याला खूप खूप शुभेच्छा . 

विजय पावबाके पालघर

Comments

Post a Comment

Popular posts from this blog

माझा नवोपक्रम

-
उपक्रम  *बहू उद्देशीय इंग्रजी अध्ययन अध्यापन बोर्डवर बनवा असंख्य इंग्रजी शब्द व वाक्य*   नवोपक्रमशील शिक्षक श्री विजय बाळासाहेब पावबाके जि प शाळा गोवणे ता डहाणू जि पालघर ४०११०३ सन २०१७-१८ 🔹 नवोपक्रमाचे शीर्षक :- *बहू उद्देशीय इंग्रजी अध्ययन अध्यापन बोर्डवर बनवा असंख्य इंग्रजी शब्द व वाक्य* 🔹 नवोपक्रमाची गरज व महत्त्व :-  गरज :- बदलत्या काळानुसार शिक्षणात वेगवेगळ्या सहित्यांचा वापर करणे क्रमप्राप्त झाले आहे . त्यासाठी शाळेत पुरेशा प्रमाणात विविध प्रकारचे दर्जेदार  साहित्य असणे आवश्यक होते. आमची शाळा पाहिली ते सातवी पर्यन्त असून शाळेत एकूण सात वर्गखोल्या आहेत .शाळेत जवळ जवळ चारशे विद्यार्थी प्राथमिक शिक्षण घेत आहे . दैनंदिन अध्यापन करतांना एक बाब प्रकर्षाने जाणवली ती म्हणजे इंग्रजी भाषे विषयी मुलांच्या मनात न्यूनगंड दिसून येतो . तसेच  इंग्रजी अध्ययन करतांना मुले इतर विषयांच्या तुलनेत  जास्त आनंदी दिसून येत नाहीत . इंग्रजी अध्ययनात मुलांना गोडी वाटावी व त्यांनी स्व कृतीतुन इंग्रजी शब्द व वाक्य बनवावे असे मला वाटत होते . त्यासाठी बहू...
Read more

शाळा डिजिटल करतांना

-
Image
*डिजिटल शाळा करताना* गेल्या काही वर्षांपासून महाराष्ट्रभर नव्हे तर भारतभर डिजिटल शाळा हा शिक्षण क्षेत्रांत नवीन प्रयोग आपणास प्रकर्षाने ऐकायला, बघायला  व अनुभवायला मिळाला." डिजिटल शाळा" हि एक चळवळच स्वयंप्रेरणेने महाराष्ट्रावर शिक्षकांनी सुरू केली  आणि त्यानुसार महाराष्ट्रातील सर्व शिक्षक  डिजिटल शाळा करण्यासाठी वेगवेगळ्या पद्धतीने प्रयत्नशील होते आणि त्यात यश प्राप्त करत होते .          माझ्या मनातहि आपण डिजिटल शाळा करावी अशी सुप्त इच्छा या चळवळीमुळे निर्माण झाली होती .परंतु सर्वात मोठा प्रश्न होता कसे ?  आमची जिल्हा परिषद प्राथमिक शाळा गोवने तालुका डहाणू जिल्हा पालघर ही संपूर्ण ग्रामीण भागात व आदिवासी क्षेत्रातील शाळा असून शाळेमध्ये पहिली ते सातवी एकूण चारशेहून अधिक विद्यार्थी शिक्षण घेत आहेत.शाळेत एकूण सात वर्ग खोल्या उपलब्ध आहेत  त्यामुळे संपूर्ण सात वर्ग डिजिटल करणे व त्यासाठी निधी संकलन करणे हि एक नक्कीच मोठी बाब होती आणि गावातील मोलमजुरी शेती करणाऱ्या पालकांकडून एवढा मोठा निधी जमा करणे कितपत योग्य आहे ?असा प्रश्न माझ्या मना...
Read more

वृक्षारोपण एक पुण्यकर्म

-
Image
वृक्षारोपण एक पुण्यकर्म पाप आणि पुण्य या भारतातील अतिशय प्राचीन संकल्पना .पण पाप आणी पुण्य या संदर्भात अनेक मतभेद भारतामध्ये दिसून येतात . पाप आणि पुण्य यांची नेमकी व्याख्या करणे देखील कठिणच . नक्की कोणती कृती हे पुण्य कर्म आहे आणि कोणती कृती हे पाप कर्म आहे याबद्दल देखील स्पष्टता दिसून येत नाही .साधारणपणे इतरांना त्रास होईल अशा प्रकारची कृती ही पाप समजले जाते .तर ज्या कृतीमुळे इतरांना आनंद फायदा होईल ती कृती पुण्य समजली जाते .मात्र पुण्य कमविण्यासाठी भारतातील काही अंधश्रद्धाळू लोक वेगवेगळे मार्ग अवलंबताना दिसतात. जसे की नाम जप करणे, ग्रंथ पोथ्या यांची पारायणे करणे, मंदिरामध्ये जाऊन तासंतास रांगेमध्ये उभे राहणे, नद्यांमध्ये स्नान करणे याला लोक पुण्यकर्म समजतात. धर्मविरोधी कृती करणे हे पाप कर्म आहे असे अनेक आजही मानतात .मात्र मला जर कोणी विचारले की पुण्य कमावण्यासाठी तुम्ही कोणते कर्म कराल तर माझे उत्तर एकच असेल " वृक्षारोपण ".       माझ्यामध्ये ज्ञानदान व वृक्षारोपण हे दोन असे कर्म आहेत की आपल्या हयातीनंतर सुद्धा त्याचा फायदा समाजातील घटकांना होत असतो .एक उदाहरणच बघू...
Read more